Perszoho weresnja
Wojnu wydawały,
Wszytkych żownirońkiw (2)
Do wojska zabrały,
Ta do wojska zabrały.

Jak ty, mij myłeńkyj,
Na wojnu pospiszysz,
Komu ty mja, myłyj, (2)
Na koho mja łyszysz,
Ta na koho mja łyszysz?

Łyszu ja tja tomu,
Szto swityt na nebi,
A o roczok, o dwa (2)
Wernusja ku tebi,
Ta wernusja ku tebi.

Już na tretij roczok,
Jak sja wojna toczyt,
Jak ja wypłakuju (2)
Swoji czorny oczy,
Ta swoji czorny oczy.

Wyszła na podwir’ja,
Ruczky załamała,
Jak na zemłju wpała, (2)
Hirko zapłakała,
Ta hirko zapłakała.

Ydut z wojny, ydut,
Jużek powertajut,
A moho myłoho (2)
Łem konyka wedut,
Ta łem konyka wedut.

Wedut joho, wedut,
W żałobnim zakrytyj,
A już mij myłeńkyj (2)
Na wojni zabytyj,
Ta na wojni zabytyj.

Ne płacz, diwcza, ne płacz,
Ne żałuj ty joho,
Yde nas tu tysjacz, (2)
Wyber sy jednoho,
Ta wyber sy jednoho.

Choc by was tu yszło,
Jak piny na mori,
Ne zyjde mi z mysły (2)
Mij myłyj nykoły,
Ta mij myłyj nykoły!