Na onharskij, na ofi
Biła ruża prokwytat,
Tam onharska taja kasarneczka
Biłom szatom nakryta.

Bywajut w nij panowe
Wojskowy oficyre.
Jedna maty swoho syna mała
I toho ji zabrały.

Jak ony ho zabrały,
Dały jomu konyczka,
Kilko raziw win na ńoho sidat,
Zabołyt ho hławyczka.

Hławyczka ho zabołyt,
Szabelka mu zadzwonyt,
Any jedno z toj mojoj rodyny
Ne pryde mi na pohrib.

Any otec, any mac,
Any sestra, any brat,
Any moja, moja najmyłeńsza
Ne pryde sja pożehnac.

Ne prydesja pożehnac,
Any meni ruczku dac,
Any moja, moja najmyłeńsza
Ne pryde mi ruczku dac.