Ишли рибаре на риби (2)
До той глубокой долини. (2)

Зайшли они там на долє, (2)
Нашли они там пахолє,
Зачали питац: чиє є.

А єден кричит: Возме го! (2)
А другий кричит: Лишме го! (2)

А третій на го нич не дбав, (2)
Лем до рихтаря знати дав. (2)

Вшиткими дзвонами дзвонили, (2)
Жеби ся дівочки сходили. (2)

А кажда пришла г’ віночку, (2)
Лем та рихтарьова в чепочку. (2)

Ой Ганцьо, Ганцьо, де вінец? (2)
Шмарила лем го в Дунаєц. (2)

А чого ж ти го шмарила? (2)
Бо-м го нерада носила. (2)

А взяли Ганцю за ручки, (2)
Вивели єй там на лучки –
Мали ї стинац главичку.

Як мате стинац,– стинайце, (2)
Най отец, мати не плаче. (2)

А отец, мати слезами, (2)
А фраїрове жартами. (2)