Ameryku-jem zrajzował,
Any centa ne zhazdował,
Hej, any centa, any stowku,
Szykujut nja do New-Jowku.

U New-Jorku szyf rychtujut,
Szto nja na nij wyszykujut,
Hej, ahenty szja dohwarjajut,
Że szyfkartu pre nja majut.

Jak-jem pryszoł sered morja,
Szyfkapytan na nas wołał:
– Hej, chłopci, chłopci, pomolte szja,
Hromy byjut, topyme szja.

Jak-jem pryszoł na kraj morja,
Szyfkapytan na nas wołał:
– Hej, z Bohom, z Bohom, szyfo stara,
Bo ja idu uż do kraju.

Jak-jem pryszoł do Berłyna,
Dał ja sobi pohar wyna,
Hej, pohar wyna czerwenoho,
Aż my łyczko zrum’janiło.

Jak-jem pryszoł do toj Prahy,
Pytały szja, cy-jem zdrawyj.
– Hej, zdrawyj, zdrawyj, chwała Bohu,
Na czupasi idu domu.

Jak-jem iszoł prez Koszyci,
Dał-jem wljaty do fljaszyci,
Hej, sływowyci, terkełyci
Ta toj naszoj szarkanyci.

Jak-jem pryszoł do Prjaszowa,
Czekała nja sestra moja:
– Hej, wytaj, wytaj, myłyj bratu,
Chto tobi dał na szyfkartu?

Jak-jem pryszoł do wałała,
Czekała nja maty stara:
– Hej, wytaj, wytaj, czeljadnyku,
Ty neszczasnyj wandriwnyku!