Дунаю, Дунаю,
Бистра вода в тобі,
Не повідж, дівчатко, (2)
Же я бив при тобі.

Лем ти так повідай,
Же я лучку косив,
Дам я ти перстенец, (2)
Што я м го рад носив.

Конику, конику сивавий,
Винес мя до трави,
Як мя не винесеш, (2)
Стрілю ти до глави.

Стрілю ти до глави
І до твого бочка,
Як мя не винесеш (2)
До того горбочка.

Таке ся мі, таке
Дівча сподобало,
Што си на ярочку (2)
Личко обмивало.

Личко обмивало,
Кусочком втирало,
Таке ся мі, таке (2)
Дівча сподобало.