Pid obłaczkom jawir pochyłenyj,
Sydyt na nim ptaszok premyłenyj.
Słuchaj, myła, jak tot ptaszok spiwa,
Że z łjubowy nycz dobra ne bywat.
Że z łjubowy, że z łjubowy
Nycz dobra ne bywat.

Cy ta łjubow je od Boha dana?
Cy łem może d’jabłom pidszeptana?
Chocz by-s ne chtiw, to musysz łjubyty,
Chocz by-s ne chtiw, proto masz terpity.
Chocz by-s ne chtiw, chocz by-s ne chtiw,
Proto masz terpity.

Myła, myła, ty pokuso jedna,
Łjubyw ja tja ne rik i ne dwa.
Cy my dała ziłlja sy napyty?
Ne moż, myła, nijak bez tja żyty.
Ne moż, myła, ne moż, myła,
Nijak bez tja żyty.

Pid obłaczkom jawir zełenije,
Posmotr, myła, jak toj witer wije.
Może, wyrwe jeho z korinjamy.
Myła moja, szto to bude z namy?
Myła moja, myła moja,
Szto to bude z namy?