Podme, chłopci, podme do toj Hameryczky,
I ja pojdzem z wamy, łem poprodam byczky,
Ej, łem poprodam byczky.

Byczky-jem poprodaw, mało penendzy mam,
Jeszcze prodam krawu, pojdeme pomału,
Ej, pojdeme pomału.

Pożehnaj ty, Boże, naszoho cisarja,
Że win nas wypustyw pod inszoho kralja,
Ej, pod inszoho kralja.

Pod inszoho kralja, oj że pod anhłjusja,
Płacze za mnow żena, moja łjuba dusza,
Ej, moja łjuba dusza.

Ne płacz, ty żenoczko, bo my sja wrucime,
Łem sja w Hameryci hazduwac uczyme,
Ej, zahduwac uczyme.