Koły ja szja zberał
Do toj Hameryky,
Mała moja żena,
Mała żal wełykyj.

Mała ona, mała,
Wse nja odhwarjała,
Ne chod', mużu, ne chod',
Bo dałeka draha.

Bo dałeka draha,
Kelczik prewełykyj,
Ne chod', mużu, ne chod',
Do toj Hameryky.

Jak na sztancioni
Maszyna pyskała,
Moja młada żena
Wse nja odhwarjała.

A jak ja soj sidał
Do toho wahona,
Moja młada żena
Sim raz mi zamliła.

A ja ji powidam,
Tak ji odkazuju,
Że ja żyty choczu
W swojim rodnym kraju.

A prydu ja, prydu
Z Hameryky domu
Szi raz uwydity
Swoju zemłju rodnu.