Rozwywajsja, hłase, po horach, po łjesje,
Naj sja aż do moho myłoho donese.

Żała łem trawyczku na łuci, na łuci,
Odrizała-m pałec na ruci, na ruci.

Żała łem trawyczku, odrizała-m pałec,
Bo-m sja pryzerała na myłoho tanec.

Odrizała-m pałec, bołyt mja, bołyt mja,
Centerowyj łystok, zahoj mja, zahoj mja.

Keby ty znaw, Janczyk, jak mja bołyt palczyk,
Nawertaw by-s woły i zhory, i zdoły.

Pasła by ja wołky, ne znam, jak jim meno,
Poczekaj mja szuhaj, pożeneme wjedno.

Ne mam ja pozoru, łem na totu horu,
Za tymy horamy myłyj z korowamy.

Horońky wy moji, znestesja wy nyże,
Aczyj by mi było k myłeńkomu błyże.

A pidu ja, pidu, do lisa temnoho,
Nazberam ja sobi zilja trojakoho.

Budu ho waryła w sołodkim mołoci,
Budu czaruwała, kotry szumny chłopci.

Ne wir paribkowy, choc by najlipszomu,
Win tja wypribuje i powist druhomu.

Win tja wypribuje, cy-s poctywa diwka,
Cy sja ne dasz zwesty z zełenoho winka.