Коло нашой бистрой води пекна заграда,
Проходится по ній дівча, сиви очка ма.

Убератся на каждий ден, як на неділю,
Пише листи до милого кажду годину.

А він ї так одписує, же він єй не хце,
Же він собі полюбує дівча шварніше.

Сіла собі за столичок, шати вишиват,
Милий ходит попід вигляд, она умліват.

Не умлівай драга душо, можеш моя биц,
Як зозуля на Новий рік три раз закукат.

А ид же ти, фелечнику, идий собі преч,
Бо зозуля на Новий рік нигда не кукат!