Pid obłaczkom jawir pochyłenyj,
Sydyt na nym ptaszok premyłenyj.
Słuchaj, myła, jak tot ptaszok spiwat,
Że z łjubowy nycz dobre ne bywat.
Że z łjubowy, że z łjubowy
Nycz dobre ne bywat.

Myła, myła, ty pokuso jedna,
Łjubyw ja tja ne rik, ane ne dwa.
Cy my dała ziłlja sja napyty?
Ne moż, myła, nijak bez tja żyty.
Ne moż, myła, ne moż, myła,
Nijak bez tja żyty.

My worożka dawno worożyła,
Że mja zduryt diwka czornobrywa.
Że ne budu wydiw za ńom swita,
Aż prołynut moji młady lita.
Aż prołynut, aż prołynut
Moji młady lita.

Cy ta łjubow je od Boha dana?
Cy łem może d’jabłom pidszeptana?
Chocz by-s ne chtiw, to musysz łjubyty,
Chocz by-s ne chtiw, proto masz terpity.
Chocz by-s ne chtiw, chocz by-s ne chtiw
Proto masz terpity.

Pid obłaczkom jawir zełenije,
Posmotr, myła, jak tot witer wije.
Może, wyrwe joho z korenjamy.
Myła moja, szto to bude z namy?
Myła moja, myła moja,
Szto to bude z namy?