Wyberajsja, Hanc'o, wyberaj, wyberaj,
Szto-s sy zarobyła, to sy i pozberaj.

Wyberajsja, Hanc'o, wyberajsja z namy,
Wszytky swoji złosty pryłoż kamenjamy.

Ja jich pryłożyła, ony sja dwyhajut,
Jakyj to żal welkyj, jak sja wyberajut.

Ne płacz, Hanc'o, ne płacz, naj ty płacze maty,
Że już ji ne budesz chyżu zamitaty.

Ne starajsja, Hanc'o, że ne znasz chlib peczy,
Napecze ty Wanc'o dost pomedże płeczy.

Budesz ty, Hanyczko, horeńko płakaty,
Jak tja bude swekra z chyży wyhanjaty.

Odriże ty chliba, jak bukowyj łystok,
Yszczy sja tja zwidat, cy-s ho z’jiła wszytok.

Ne z’jiła, ne z’jiła! De łes ho podiła?
W sińoch, za dwerjamy, zmoczenyj słyzamy.