Spiwanoczki moy,
Hde-ż ja was podiju,
Pojdu do lisoczka,
Tam ja was posiju.

A budut tam chłopci,
Na trawu chodyty,
Spiwanoczki moy,
Budut nachodyty.

Jak ja z Ustja pojdu,
Szto-ż ja wam otkażu,
Tam ponyże seła,
Zahradku zasażu.

Kto koło nej prejde,
Wspomynaty bude,
Szkoda, Boże, toho,
Szto zahradka joho.

Zahradka ne moja,
Bom jej ne hradyła,
Ałe zilja moje,
Bo ja ho sadyła.

Ne rubaj, ne stynaj,
Naj sja zełenije,
Ne chod ku diwczatu,
Naj sja czerwenije.

Yszczi-jem ne rubał,
Uż tryski padajut,
Yszczi-m ne łjubuwał,
Uż mnja ohwarjajut.