Hory moji, hory zełeny,
W prekrasnim winoczku spłeteny,
Szowkowom trawyczkom nakryty,
Rokamy-wikamy zabyty.

Hory moji, hory prekrasny,
Jak na nebi zirońky jasny,
Jak w haju ruży czerwoneńky,
Taky momu sercju myłeńky.

Hory moji, hory Karpaty,
Dorohszy, jak złoty dukaty,
Dorohszy od wszytkych hor swita,
Cne sja mi za wamy od lita.

Hory moji, hory skałysty,
Aż popid nebesa fałysty,
Swojimy biłymy werchamy
Pomiszany czasto z chmaramy.

Czuczaryk z Czuczarom w duboczku,
Homolja z Kyczerom pry boczku,
Łemko staw ta j dumku dumaje,
Żalije że doli ne maje.