Дала мі мамця (2) корову,
Ой то на мою (2) голову:
Корову треба (2) доїти,
Хто буде хлопців (2) любити?

Дала мі мамця (2) коралі,
Вшитки ся братя (2) складали,
Дала мі мамця (2) прядива,
Жеби-м не нагла (2) ходила.

Ой дав мі татцьо (2) волойки,
Гей то за штири (2) стівоньки.
Дала мі мамця (2) пшениці,
Посій сі, дівко, (2) на штуці.

Ой йа на штуці (2) газдовій,
Як ти ся вродить, (2) то добрі,
Ой завезеш сой (2) до млина,
Для свой родини (2) гостина.

Гой як я піду (2) отталь преч,
Ой займу бички (2) на торгець,
Ой і корову (2) тарчасту,
Ой на запаску (2) квітясту.

Гой йа і свиню (2) паршиву,
Ой на коралі (2) під шию,
Гей і коника (2) жеребця,
Гей і Настушку (2) до чіпця.