Боже, Боже, што ся стало,
Же на моїм вінку (2) листя мало?

Ци не било, ци й опали,
Ци мі го обірвав (2) Янчик младий?

Боже, Боже, што ся водить,
Ой йа, же паробок (2) босий ходить?

Зложте, дівки, по дуткові,
Ой йа, купте скірні (2) паробкові.

Боже, Боже, як хто глодний,
Як йа били ябка (2) на яблоні.

Били слодкі, били квасні,
Ой йа, в Волтошовій (2) дівки красні.

Суть великі, суть маленькі,
Ой йа, мають гамбки (2) солоденькі.

Як-єм єдну поцілував,
Ой йа, то-м ся тиждень (2) облизував.