Ой ходила по гаїку зеленім
Та й зберала барвіночок
На віночок зелений.

Як я тебе в тім гаїку нападу,
То я тобі твій віночок,
Твій віночок украду.

А як би ти мій віночок украсц мав,
Ой та би ти на воєнку,
На воєнку исц мусяв.

Як я піду на воєнку воювац,
А ти будеш мале дитя,
Мале дитя пістувац.

А буду я пістувати, або ні,
З’їднам собі кухаречку
Не так єдну, але дві.

Кухаречка буде дитя пістувац,
А я піду на музику,
На музику танцювац.

Одохцеся тобі, мила, музики,
Як ти підеш з пеленами,
З пеленами до ріки.

Одохцеся тобі, мила, і строю,
Як не буде вден і вночи,
Вден і вночи спокою.

Одохцеся тобі, мила, вшиткого,
Як не будеш мала мене,
Мала мене самого.