Світ, місячку, зоре, также,
Піду до дівчини, што мі скаже.

Што мі скаже, што мі визнат,
Бив я там два рази, она не знат.

А ще піду по третій раз,
Вигод мі, дівчино, в послідний раз.

Чим же я ти вигодиц мам?
Вінка на офіру тобі не дам.

Женитися ти забраняют,
Богацки дівчата представляют.

Волю я бідну зо щербами,
Як тую богату з тисячами.

Бо бідная бога просит,
Богата горою главу носит.

Ишов до шлюбу – гірко плакав,
Же свою миленьку бридку достав.

Весільни гості, весельтеся,
Я возму ліворвер, застрілюся.

Хоц би-м семох синів мала,
Жадному би-м я не збраняла.

Же-м тому єдному забронила,
Ах, што я, нещасна, наробила!