Ганцьо, не дримай, дверка отвєряй,
Пуст мя на заграду!
Розмария і лелия на біло проквитала,
Наша Ганичка лем за Яничка би ся видавала.

Ой в лісі, в лісі, в лісі на дубі
Зозуля кукала.
Розмария і лелия на біло проквитала,
Наша Ганичка лем за Яничка, би ся оддавала.

Так мі повідала (2) мойой Ганички мац,
Жє она мі не даст (2) Ганцю за жену взяц.
Розмария і лелия на біло проквитала,
Наша Ганичка лем за Яничка, би ся оддавала.

Як она мі не даст (2) Ганцю за жену взяц,
Буду я єй дівку (2) з корчмички виганяц.
Розмария і лелия на біло проквитала,
Наша Ганичка лем за Яничка, би ся оддавала.