Чорна вовна на білом баранку,
Где ж ты идеш, где ж ты идеш,
Малюваный Янку?

Не далеко, до сусіда тестя,
Тесту-тесту, тесту-тесту,
По младу невесту.

Повідали же мні єй не дадут,
Дадут-дадут, дадут-дадут,
Ищы выпровадят.

Дадут мні там дівча чорноброве,
Дадут мні з ньом, дадут мні з ньом,
Волы и коровы.

Дадут мні з ньом и коника в сідлі,
Што там стоит, што там стоит,
По коліна в срибрі.

Дадут мні з ньом скриню малювану,
Дадут мні єй, дадут мні єй,
Дівчыну кохану.