На цілім сьвіті сталася новина,
Пречиста Діва породила Сина,
Як породила, в пелени повила,
Зелене сінце в яслад постелила.

А сінце красше як ружові квіти,
А на нім лежить сам Ісус повитий.
Як ся жидове о тім довідали
В пень отрочата дволітні стинали.

А Матка Божа, як ся довідала
З Ісусом Христом в Єгипет тікала.
Тікала она через чисте поле,
А там господар на пшеницю оре.

Помагай-біг, газдо, то поле зорати,
Нині засієш, завтра будеш жати!
Як ся жидове о тім довідали,
За Матков Божов у погоню гнали.

Ой гнали, гнали, траву виривали,
А на тім поли пшениченьку жали.
Помайбіг ґаздо ту пшеницю жати.
Чи не йшла туда гей, Божая Мати?

Ой ішла, йшла, буйний вітер віяв,
А я у той день пшениченьку сіяв.
Стали жидове та й ся ізуміли.
Божая сила усіх їх затьмила.