Anheł pastyrjam mowyw:
Chrystos sja nam narodyw,
W Wyfłejemi mistoczku ubohim
I w rodi Dawydowim
Z Preczystoj Mariji.

O dywnoje Rożdestwo,
Wełykoje torżestwo;
Poczała Diwa Syna w czystosty,
Porodyła w radosty,
Iz Diwstwa swojeho.

Pastyrije wwiryły
Do Neho pospiszyły,
Z ochotow myło Jemu spiwały
Dytja w jasłach wytały,
Mariju z Josyfom.

Uże sja to spownyło,
Szczo u proroka buło:
Hałuzka Aronowa zacwyła,
Cwitok z sebe pustyła
I owocz zrodyła!

Słuchajte Boha Otcja,
Neba i zemli Tworcja:
"Se syn mij najmylijszyj, kochanyj,
Switu z neba pisłanyj,
Jeho wy słuchajte!"

Bohu bud' czest' i chwała,
Na wik wikiw i sława.
Jak Otcju, tak i Jeho Synowy
I swjatomu Duchowy,
W Trojci jedynomu.