A za naszow chyżow łuczka szyroczka,
Łuczka szyroczka, trawa wysoczka, trawa wysoczka.
Prochodyt'sja po nij diwcza rumene,
Diwcza rumene, krasne czerwene, krasne czerwene:

– Mamcju moja łjuba, komu mja chowasz,
Komu mja chowasz, za koho mja dasz, za koho mja dasz?
– Diwko moja łjuba, chowam mładomu,
Chowam mładomu, dam tja staromu, dam tja staromu.

– Mamcju moja łjuba, ne poj moj wołe,
Ne poj moj wołe, wszytko mja bołyt', aż i hołowa.
– Mamcju moja łjuba, komu mja chowasz,
Komu mja chowasz, za koho mja dasz, za koho mja dasz?

– Chowam staromu, dam tja mładomu, dam tja mładomu.
– Mamcju moja łjuba, już po moj wołe,
Już po moj wołe, nycz mja ne bołyt', ja już zdorowa.