Na zełenij uboczi
Diwcza łenyk moczyt'.
Szuhaj sja mu prypatrjaw,
Cy ma czorni oczi.

Żeby taki oczata
W krami prodawały,
To by sobi diwczata
Chłopcjam kupuwały.

I ja by sja kupyła
Swomu frajirowi,
Żeby sja mu czorniły,
Jako hawranowi.

Iszcze by-m mu kupyła
Chustoczku jedwabnu,
Żeby sobi prypomnuw,
Że ma myłu ładnu.

Iszcze by-m mu kupyła
Perstenyk na pałec',
Żeby sja mi myhotaw,
Jak pide na tanec'.

Iszcze by-m mu kupyła
Skirni z ostroszkamy,
Żeby sobi zabreńkaw
Medży parobkamy.

Iszcze by-m mu kupyła
Perko za szapoczku,
Żeby sobi pam’jataw,
Że ma frajiroczku.