Oj Janiczku, oj Janiczku ożeńsja,
Za czużymy frajirkamy ne szalsja!
Yszczy owes pry dołyni zełenyj,
Ne budu ja toho roczku żenenyj.

Jak ja pidu na Madjar, na Madjar,
Komu ja to pirko dam, pirko dam?
Komu, tomu, za dukat, za dukat,
A myłomu łem wse tak, łem wse tak.

Jak ja yszła wczera h’weczir z pańskoho,
Nadybała na dorozi myłoho;
Tak mja styskaw i prytyskaw do sebe,
Czy ty pidesz, szwarne diwcza, za mene?

Oj ne wir mi, ne wir mi, ne wir mi,
Bo ja chłopec wandriwnyj, wandriwnyj,
Ja wandruju tu i tam, tu i tam
De obernus', diwcza mam, diwcza mam.

Jak ja spała, jak ja spała na senje,
Pryszło do mja, pryszło do mja szałene;
Mało zuby, mało zuby, mało nis,
Powidało, powidało, że mja z’jist.

A ono mja ne z’jiło, ne z’jiło,
Łem mja w łyczko wkusyło, wkusyło,
Ja zaczała steraty, steraty,
Ta j na łyczku ne znaty, ne znaty.

Oj ty, konju, oj ty, konju, dobre jdesz,
Ponesy mja, ponesy mja jeszcze dnes,
Dam ty owsa, dam ty owsa, i sena,
Ponesy mja, de je szwarna diwczyna.

Iszow cyhan do łesa, do łesa,
Łem czuhańkom potrjasa, potrjasa;
Wszytky diwky na ńoho, na ńoho,
Że czuhańka ne joho, ne joho.