Tancjuj że mi, tancjuj moja frejireczko,
Tak sja mi wywywaj, (2)
Jak weretineczko.

Oj woliw ja pity u lis po jałycju,
Maw ja sobi wzjaty (2)
Taku tanecznycju.

Wyberaj, wyberaj, welkyj wybirnyku,
Żeby-s sobi wybraw (2)
Na hańbu wełyku.

Ne wyberaj sobi w korczmycy na tancy,
Ałe sobi wyber (2)
W roboti, na soncy.

W korczmycy na tancy choc kotra pidskoczyt,
W roboti, na soncy (2)
Łem nohy wołoczyt.

Djakuju ty, pane, za to dobre hranje,
I tobi, diwczatko, (2)
Za wytancjuwanje.

Moja frajireczka kabat kyjom pere,
Każdy jej łjubuje, (2)
Nychto jej ne bere.

Porachuj, diwczatko, kilko zwizd na nebi,
Jak jich porachujesz, (2)
Wernusja ku tebi.

Porachuj, diwczatko, kilko dniw do roczka,
Kilko ja wyłeżaw (2)
Koło twoho boczka.

Choc by rachuwały pysare od Widnja,
Ta ne porachujut (2)
Naszy noczky nyhda.

Beru łen, beru łen, zymna rosa na nim,
Piszow mij myłeńkyj (2)
I ja pidu za nym.