W zełenim haju drewko rubajut,
Aż do Dunaju
Trisky padajut.

Padajut welky, padajut mały,
Pod jich pozberaj,
Diwczatko myłe!

Pod jich pozberaj, nakład z nych ohnja,
Wyper koszełju
W p’jatnycju dodnja.

W p’jatnycju dodnja koszełju prała,
A u subotu
Jej prasuwała.

A u subotu jej prasuwała,
By na nediłju
Myłoho wbrała.

W nediłju rano, jak sonce schodyt,
Już mij myłeńkyj
Pid pirkom chodyt.

Pid pirkom chodyt pid cyprusowym,
Pid kapełjuszkom,
Pid kałynowym.

Keby ja znała, kotra mu dała,
Zaraz by ja mu
Werszok złamała.

Werszok złamała, w pecu spałyła,
Naj mi ne łjubyt
Moho frajira.

Any mojoho, any czużoho,
Nechaj że maje
Każda swojoho!