Na zełenoj uboczi,
Diwcza łenyk moczit,
Szuhaj sja mu pryzerat,
Cy ma czorni oczi.

Żebi taki oczeńka,
W krami prodawały,
Ta bi sobi diwczata,
Chłopcjam kupuwały.

A y ja bi-m kupyła,
Swomu frajerowy,
Żebi sja mu czorniły,
Jako hawranowy.

Yszczi bi-m mu kupyła,
Cyżmi z ostrohamy,
Żebi sobi poczerkaw,
Meże parobkamy.

Yszczi bi-m mu kupyła,
Perko z rozmaryy,
Żebi ja ho poznała,
W ciłoj kompanyy.

Yszczi bi-m mu kupyła,
Perstenyk na pałec,
Żebi sja mu błyskotaw,
Jak pojde na tanec.

Yszczi bi-m mu kupyła,
Jedwabnu chustoczku,
Żebi sobi pamjatał,
Że mał frajeroczku.