Jak ja ottal pojdu, komusy żal bude,
Zapłacze soj za mnom ne skoro mu bude.

Janyczku serdeczko, hde-s podił pereczko?
Yszoł ja prez wodu, wpało mni do spodu!

Dostawaj-dostawaj prawom ruczkom do dna,
To ti ho dostanesz, ked ho budesz hodna.

Diwczatko kwitoczok, hde-s diła winoczok?
Chodyłam sja mity, wpał mni na jaroczok!

A teper ja muszu wo wik banuwaty,
Szto ja ho ne znała lipsze szanuwaty.

Była-s mnja, mamyczko, opałenim kyjom,
Żebi-m ne smotryła za wojtowim sinom.

Choc-bis mnja, mamyczko, w deń y w noczi była,
Ta ja y tak budu szuhaja łjubyła.