Puste że nas, puste, abo nam otworte,
Bo sja pohniwame, ta j sja powertame.

Ne starajsja, młada, że ne znasz chlib peczi,
Napecze ty Petro, dost pomeże płeczi.

Szkoda tja, diwczatko, szkoda tja – szkoda tja,
Ej bo tot twoj mładij, ne dlja tja – ne dlja tja.

Szkoda tja, diwczatko, szkoda tja za neho,
Hunja pożiczana, chołoszni ne jeho.

Ne starajsja, diwus', on dobry hazduje,
Any jednu noczku, doma ne noczuje.

Smot-że ti, diwczatko, na tot swoj winoczok,
Jak sja ty trepocze, dojeden łystoczok.

A cy ti, diwczatko, kamenne serdce masz?
Że za swoym winkom zapłakaty ne znasz.

Oj, winku, moj winku z drobnoho barwinku,
Jak ja tja trymała w skryni pereskrynku.

Ne mohła ja tebe dołsze zatrymaty,
Pryszły dobri łjude musiła-m tja daty.

Pani młada nasza, poymała ptasza,
Poymała dwoje, czubati oboje.