Syn Bożij ot Otcja z neba znyschodyt',
Oto sja z Mariji Chrystos dnes', rodyt'!
Łasku prynosyt',
Chto o nju prosyt',
Hrisznyku proszczaje
I oczyszczaje:
O Boże! neizslidymyj,
Wsehda sławymyj!

O presławnoje czudo! szczo ż to sja stało?
Chrystos na Sebe prynjaw hrisznoje tiło!
Diwa nosyła,
Diwa zrodyła,
Jeho powywaje
I połahaje
W jasłach na sini
W temnoj jaskyny.

Anheły spiwajut' wo wysznych Bohu,
I wo wertepi tworjat' Jeho wołju,
Pastyrije hrajut',
Chrysta wytajut',
A wił bojit'sja
Oseł trjaset'sja,
Wołchwy Carja wytały
Jak Ho piznały.

A Irod łjutyj z toho smutywsja,
Szczo Car predwicznyj na s'wit rodywsja
Dity stynaty!
Krow proływaty!
Matery rydajut',
Na smert' wzyrajut'.
Na Chrysta zradu kryje,
I mecz hotuje.

Josyf starec' Mariju pojmaje
I do Jehypta z Chrystom ustupaje.
Marija tułyt',
Dytja hołubyt',
Anheł pylnuje
Dorohu wskazuje.
A Irod ide na wiky,
W pekolniji muky!

Irode bezumnyj wiczno pohybaj!
Ty Carju rożdennyj wsich nas utiszaj!
Ty nasz uczytel,
Ty nasza radost'
I wsjaka
Sładost'!
Błahosłowenija Swojeho
Daj nam premnoho!

Tim ko wertepu wsi pospiszajmo!
Narożdennomu wraz zaspiwajmo,
So pastyrmy zahrajmo,
W husły udarjajmo,
I wozweselimsja,
So carmy pokłonimsja!
By nam daw prożyty,
I w nebi byty.