W jasłach łeżyt', chto ż pospiszyt'
Spiwaty małeńkomu
Isus Chrystu, Bohu istu
Noworożdennomu;
Pastyrije prybihajte,
Jemu myło pryhrawajte,
Jako Panu naszomu.

S'wjatyj Josyf, w rukach nosyt'
Pełeny Małeńkomu
"Łjuljaj, łjuljaj!" pryspiwuje
Nowonarożdennomu;
Wił i oseł prykljakajut',
Parow Jeho ohriwajut',
Stworytelja swojeho.

Zibrałysja, kłanjałysja
Dytjatku małeńkomu,
Trije cary, nesut' dary
Nowonarożdennomu;
A zwizda jich prowodżaje,
Nad wertepom prys'wiczaje,
Hde Dytja w jasłach łeżyt'.

I Anheły, Archanheły,
Jeho chwału hłaszajut',
Hołosamy i trubamy
W nebi wsi pryhrawajut':
Nad wertepom w Wyfłejemi,
W Dawydowim łychim domi,
Sława Bohu! wzywajut'.

Łjudije so patrijarsy –
Wsi sja dnes' utiszajut',
I otrocy so prorocy
Sohłasno wospiwajut';
Sonce, misjac' so zwizdamy,
I ty Jewo so Adamom,
Nyni wozweselit'sja.

I wy hory, i wy chołmy,
Wsi sja dnes' wozyhrajte,
I wsi ptyci i pernaty,
Radosno wozlitajte,
Bo izwoływ narodytys',
Iz Preczystoj wopłotytys',
Prysno Diwy Mariji.

I my nyni wsi wirniji,
Wsi sja dnes' utiszajmo,
Rożdennomu, besmertnomu
Nyzko sja pokłanjajmo,
Kotoromu czest' i chwała,
I na wiky wikow sława!
Ot wsich nas budy! Amiń.