Na hori, hori pry monastyri,
Hej, daj, Boże!
Oj stojit', stojit' nowa kapłyczka,
Koło kapłyczky bidna wdowyczka.
Oj stojit', stojit', Bohu sja mołyt',
Bohu sja mołyt', w zemłju sja dywyt',
W zemłju sja dywyt', z zemłej howoryt':
Oj, zemłe, zemłe, oj, murawaja!
Wzjałas' u mene hospodareczka.
Oj wiz'my ż mene bidnu wdowoczku,
Bidnu wdowoczku, oj, syritoczku,
Naj sja ne muczu na sim switoczku.
W mene ditoczky wse dribneńkiji,
Tjażko meni jich wyhoduwaty.
Szcze tjaższe pryjde jich winuwaty.
Wijszła wdowyczka ta j do cerkwoczky:
Kotra mużewa, pry peredoczku,
Bidna wdowyczka wse na zadoczku!
Jak iz szczepoczky cwit opadaje,
Tak bidna wdowa wik korotaje.
Hej, daj, Boże!
Winszujemo was, bidna wdowo.