Танцюй же мі, танцюй моя фреїречко,
Так ся мі вививай, (2)
Як веретінечко.

Ой волів я піти у ліс по ялицю,
Мав я собі взяти (2)
Таку танечницю.

Виберай, виберай, велький вибірнику,
Жеби-с собі вибрав (2)
На ганьбу велику.

Не виберай собі в корчмици на танци,
Але собі вибер (2)
В роботі, на сонци.

В корчмици на танци хоц котра підскочит,
В роботі, на сонци (2)
Лем ноги волочит.

Дякую ти, пане, за то добре гранє,
І тобі, дівчатко, (2)
За витанцюванє.

Моя фраїречка кабат кийом пере,
Кажди єй любує, (2)
Нихто єй не бере.

Порахуй, дівчатко, кілько звізд на небі,
Як їх порахуєш, (2)
Вернуся ку тебі.

Порахуй, дівчатко, кілько днів до рочка,
Кілько я вилежав (2)
Коло твого бочка.

Хоц би рахували писаре од Відня,
Та не порахуют (2)
Наши ночки нигда.

Беру лен, беру лен, зимна роса на нім,
Пішов мій миленький (2)
І я піду за ним.