Така наша пані-млада,
Як на ярку быстра вода,
Така она весела,
Як-бы мала три села.

Идеме мы з коморечкы,
Дайте же нам паяюночкы,
Зробили-сме з дівкы жену,
Ведеме єй зачеплену.

Не далеко лем за воду,
Поведеме нашу младу,
Заголовкы и перину,
И пінязи повну скриню.

На зеленой пасіці
Розмария квитне.
А чыеж-то дівчатко,
В коморі завите?

А кто же го завивал?
Кто за ним банувал?
А ищы бы банувал,
Але уж го достал.