Z banjura ja wodu beru, na kameni stoju,
Takoho ja muża maju, szto sja ho ne boju.

Takoho ja muża maju, jak jarczana paska,
Todi ja ho pociłuju, ked je moja łaska.

Takoho ja muża maju, szto mat duże żyta,
Bo ja rada, chliba peczu z welkoho koryta.

Takoho ja muża maju, mat duże pszenyci,
Ja rada, hałuszky warju po wełykij mysci.

Takoho ja muża maju, szto mat duże wiwsa,
Bo ja rada, kysel warju, bo kysel najlipsza.