Oj wersze mij, wersze,
Mij zełenyj wersze,
Już mi tak ne bude,
Jak mi było persze.

Bo persze mi było
Barz mi dobri było,
Od swojoj mamyczky
Ne chodyty było.

Ne chodyty było,
Kady ja chodyła,
Ne łjubyty było,
Koho ja łjubyła.

Janyczku, złatowłas,
Czom ne chodysz do nas?
Cy sja mamy bojisz,
Cy o mja ne stojisz?

Mamy sja ne boju
I o tebe stoju.
Łem sja preokrutni
Złych jazykiw boju.

Bo toty jazyky
Hirsze niż od mecza,–
Porubat, posicze,
Łem krow ne potecze.