Jak ja yszow od swoj myłoj,
Swityw misjac' wysoko,
Myła na mja zawołała, (2)
Czy-m odyszow dałeko.

Nedałeko, nedałeko,
Łem try myli z waława,
Werny, myłyj, kwitku biłyj, (2)
Perenoczuj do rana.

A win ji tak odpowidat,
Że ma konja napawac,
A ona sy swoji oczy (2)
Słezońkamy zaljała.

A wzjała ho ona, wzjała
Do komory, do swojoj,
Naljała mu pohar wyna (2)
Do ruczeńky, do joho.

Ja to wynko, ja to wynko,
Ja to wynko ne chcem pyc,
Łem ty, moja najmyłeńsza, (2)
Łem ty moja musysz byc.