Horom woły, horom,
A ja pidu dołom,
Wyjd do mja, diwczatko, (2)
Bo hynu za tobom.

Swityw by misjaczok,
Chmary mu ne dajut.
Wzjaw by szuhaj diwcza, (2)
Łjude ohwarjajut.

Pryd ko mi, myłyj, pryd,
Abo sja mi prysny,
Wodne any wnoczy (2)
Ne zyjdesz mi z mysły.

Wodne-s mi na mysły,
A nicz bez snu myne,
Dobri moje serce (2)
Za twojim ne zhyne.

A, serdeńko moje,
Czom mja pobołjujesz,
Czom ty mi ne powisz, (2)
Za kym tak banujesz?

Banuju, banuju,
Żal mi ne pomoże,
Koho ja łjubyła, (2)
Nawrac mi ho, boże!

Czyje to diwczatko
Wczera wodu brało?
Ja na ne zapyskaw, (2)
Ono zapłakało.

Ja na ne zapyskaw
Na cenkim łystoczku,
Ono zapłakało: (2)
Wrac sja szuhajiczku!

A, boże mij, boże,
Chto ż mene spomoże,
Myłyj boh wysoko, (2)
Rodyna dałeko.