Tam za naszom chiżom,
Jest zełena hruszka,
Pochiłyła sja jej
Zełena hałuzka.

Hałuz' sja schyłyła,
Werszok sja jej złomał,
Paradnij parobok
S diwkamy w karti hrał.

Jak hrały, tak hrały,
Poljahały spaty,
Pryłetił biłij ptach
Poczał ych zhanjaty.

Wstawaj, Hanc'o, hory,
Dost ti sja wispała,
Bo uż twoj winoczok
Bistra woda wzjała.

Jak ona ho wzjała,
Ta naj soj ho nese,
Ona mni ho zopre
W kałynowom łese.

W kałynowom łese
Woda drewko nese,
Sidyt na nem diwcza
Drobni własi czesze.

Czesała, czesała,
Horeńko płakała,
Że uż swoj winoczok
Na kartach prohrała.

Oj winku, moj winku,
S drobnoho barwinku,
Jak ja tja trymała
W skryni, w pereskrynku.

Ne mohłam ja tebe,
Dołsze zatrymaty,
Pryszły dobri łjude
Musiłam tja daty.