Ameryckyj kraj

Połetiw by-m na kraj swita,
Jak tot witer w poli lita, hej,
W ameryckyj kraj.
Łem żal my tja, moja chyżo (2)
Sołom’janaja, żal.

Oj żal my was, wiwci sywi,
Szto-m płekaw was bez try zymy,
Hej, jakyj my was żal.
Bo inacze by-m pojichaw (2)
W ameryckyj kraj.

Oj żal my tja, moja strano,
De żyjut mamyczka z njańom,
Hej, jakyj my was żal.
Chocz biduju – ne pojidu (2)
W ameryckyj kraj.

Połetiw by-m na kraj swita,
Jak tot witer w poli lita, hej,
W ameryckyj kraj.
Łem żal my tja, moja chyżo (2)
Sołom’janaja, żal.