Ked my pryjszła karta

Ked my pryjszła karta narokowac,
Staw ja swoho nenja doszykowat.
Wstań ty nenju z hrobu, wczyń my taku wolju,
Id za mene służyt na tu wojnu.

Ked my pryjszła karta po druhyj raz,
Staw ja muzykantiw doszykowat.
Hej wy, muzykanty, zahrajte my czardasz,
Naj sy wytańcuju tot ostannij raz.

Stały muzykanty czardasz hraty,
Stały my sja slozy z oczej łljaty.
Nichto ne zapłacze, ny otec ny mamka,
Łem za mnou zapłaczut try diwczatka.

Szto jedna zapłacze, bo ja jeji brat,
A druha zapłacze, bo ja jeji swat.
A tretja zapłacze, bo płakaty musyt,
Bo ona wid mene dytja nosyt.