Jak-jem yszow z Hameryky,
Z toj żeliznoj, z toj fabryky.

Ruczky sja mi zraduwały,
Że robotu ponjachały.

Jak-jem pryjszow do New-Jorku,
Do ahenta po szifkartu.

Ahenty sja mja pytajut,
Czy ja mam tysjacz taljariw?

Ne pytajtesja mja o to,
Mam ja sribło, mam ja złoto.

Jak-jem sidaw na to more,
Struchniło mi serce moje.

Boże, Boże, jak sja boju,
Jak prepływu totu wodu?

Już-jem pryjszow sered morja,
Nycz ne wydno – nebo, woda.

Jak-jem pryjszow do Hamburku,
To-m zapomnuw o frasunku.

Jak-jem pryjszow do Berlina,
Wypyw-jem sy pohar wyna.

Pohar wyna krajowoho,
Aż mi serce ochołodło.

Jak-jem pryjszow do Krakowa,
Czekała mja żena moja.

Dity mene ne poznały,
Bo od mene powtikały.

– Dity, dity, ja wasz tato,
Ne było mja sztyri ljata.