Już na tretij roczok

Już na tretij roczok, jak pry wojsku służu,
Mam ja doma krasne diwcza, wse ja za nym tużu.

Wse ja za nym płaczu, wse ja o nim myszlju,
Oj, jak pidu do wojska, to mu daszto pryszlju.

Ty, moja diwczyno, biła i kochana,
Pyszu ja do tebe łystok z weczera do rana.

Z weczera do rana łyst do tja posyłam,
Bo ja pro tja, moje diwcza, nyhda ne zabywam.

Wozmy sobi łystok z biłoj rozmaryji,
Oj, a pak żeby-s piszła do potehrafiji.

Żeby-s mi pisłała, to mi łehsze bude,
Oj bo już moje serce pro tja ne zabude.

A ja tobi pryszlju zołotu obruczku,
Oj, a ty meni podasz swoju prawu ruczku.

Zołotu obruczku i sribnyj perstenyk.
Oj, ażeby ljude znały, że zme zaruczeny.