Oj nawerny mi woły

Oj nawerny mi woły, oj, albo ne nawertaj,
Oj albo ty mi, szelmo, hołowy ne zawertaj.

Oj włomywsja mi dyszłyk, oj, medże wołońkamy;
Oj szto ż ja budu robyw ta z troma frajirkamy?

Oj jedna do weczeri, oj, druha po weczeri,
Oj tretja po piwnoczy, oj, szto ma kary oczy.

A powidż mi, diwczatko, oj, powidż mi dokładni
Oj czy mja ljubysz, czy ni, ej, bo zwodyc neładni.

Oj, a powidż mi, powidż, oj, abo mi odpowidż,
Oj, a naj ja ne chodżu, ej, na tot nyżnyj konec.

Oj, bo tot nyżnyj konec, ej, rozmaryjom pachne,
Oj, a moje serdeńko, ej, wse do ńoho tjahne.

Oj powidż mi, diwczatko, ej, powidż mi narazi,
Oj naj moji konyky, ej, ne stojat na drazi.

Ej, bo moji konyky, oj, welo mja kosztujut,
Oj, any jednu niczku, ej, doma ne noczujut.