Czom że-s ty ne pryszow

Czom że-s ty ne pryszow, jak ja ty kazała,
Już moje pereczko, oj, zymna woda wzjała.

Szuhaju mołodyj, ne chod koło wody,
Ne zberaj kwitoczky, oj, bo to ne jahody.

Szuhaju maljutkyj, woz mene na ruczky,
Z ruczok na kolina, oj, budu twoja żena.

Ożeńsja, szuhaju, ożeńsja, neboże,
Bo twoja stara mat, oj, robyty ne może.

A wszytko mi, wszytko wodyczka zabrała,
Łem mi moja myła, ej, na breżku została.

Czomu ż ty, szuhaju, za inszymy łazysz?
Ja tebe ljubuju, oj, ty, na to ne zważasz.

Z tamtoj strany wilszyn jide mij najmylszyj,
Nese mi na horset, ej, szczo kwitok, to inszyj.