A za naszom chyżom łuczka

A za naszom chyżom łuczka szyroczka,
Łuczka szyroczka,
Trawka wysoczka.

Chodyt po nij diwcza krasne, czerwene,
Krasne, czerwene,
Łyczko rumene.

Mamus moja ljuba, komu mja chowasz,
Komu mja chowasz,
Za koho mja dasz?

Diwko moja ljuba, chowam mładomu,
Chowam mładomu,
Dam tja staromu.

Mamus moja ljuba, ne po moj woły,
Ne po moj woły,
Wszytko mja bołyt, aży hołowa.

Diwko moja ljuba, chowam staromu,
Chowam staromu,
Dam tja mładomu.

Mamus moja ljuba, już po moj woły,
Już po moj woły,
Nycz mja ne bołyt, any hołowa.