Stała nam sja nowyna

Stała nam sja nowyna,
Porodyła Diwa Syna
Diwa Syna powywaje
I pisń Jemu pryspiwaje
Łjuljaj, Synu mij.

Anheł Bożyj oznajmył to,
Pastyrjam w poły wozwistył to,
I wo sni jim powidaje:
Diwa Syna powywaje
Wo Wyfłejemi.

Chodimo spiszno Carja wytaty,
Prynesim Mu dary swoji składaty.
Na kolina upadajut,
Chrysta Carja uproszajut,
Na swoja dary.

Irod złosływyj zasmutywsja,
Szczo car nowyj narodywsja.
Tam jdy do toj szopy,
Hde bywały Jeho stopy,
By-s mu pokłon daw.

A skoro Irod toje usłyszaw,
Po swoje wojsko ostro nakazaw.
Desjat tysjacz i czotyry
Małych ditej na smert wbyły,
Chrysta ne znajszły.

Oj ty Irode, to złe-s uczynyw,
Na szczos tak mnoho dityj pohubyw?
Woliw sja jes nerodyty,
Niż tak Boha obrazyty,
Narożdennoho.

Mali mładency w nebi sijajut,
Iz Bohom sja utiszajut:
A Irod złyj pohybaje,
Wiczni muky poznawaje
W pekli na wiky.

Chodimo spiszno Carja wytaty!
Chodimo Jemu pokłon otdaty!
Dast nam w nebi carstwowaty.
Imja Jeho wychwaljaty
Na wiky. Amiń.