De ty yidesh, Yanychku

De ty yidesh, Yanychku, Yanychku,
Na tim syvim konychku, konychku?
Nedaleko,– za Tysu, za Tysu,
Svoyii mylii dar nesu, dar nesu.

Chy ty mene, Yanychku, ne znayesh,
Ze ty nashu hatynu mynayesh?
Nasha hata krai vody, krai vody,
Z vysokoho dereva, z lobody.

De ty mene, Yanychku, povedesh,
Ked ty svoioi hatyny ne mayesh?
Povedu tya v chuzuyu, v chuzuyu,
Zaklya svoyu zbuduyu, zbuduyu.

Budui hatu z lobody, z lobody,
Do chuzoi mya ne vedy, ne vedy.
Chuza hata – ne svoya, ne svoya,
V chuzii hati nedolya, nedolya.

Vyletila lastivka zo skalya,
Zobudyla nas vshytkyh zo spanya,
Dereva sya v sadah rozvyvayut,
Vysov’yane novu yar vytayut.

Vyletila lastivka zo skalya,
Zobudyla divchatko zo spanya,
Ked sya toto divchatko zbudylo,
Do yarnoi sya roboty pustylo.

Oraly by volonky, oraly,
Keby maly oracha z Vysovy,
Ale mayut zo svita, zo svita,
Ne pooryut do lita, do lita.

– De ty ydesh, divchyno, divchyno?
– Do stodoly po sino, po sino.
– Ne zaperai za sobom, za sobom,
Bo ya ydu za tobom, za tobom.

Den by-m kosyv, den by-m zav, den by-m zav,
Ya by take divcha vzyav, divcha vzyav,
Any kosy, any zny, any zny,
Lem zav’yazy, ta i vozmy, ta i vozmy.

Oi na rovash, mamychko, na rovash,
Komu ze ty divchatko vyhovash?
Oi tobi to, Yanychku, tobi to,
Budesh maty frayirku na lito.

Oi siyala Hanychka lobodu,
Posylala Yanychka po vodu,
Ei po vodu studenu, studenu,
Tam na luchku zelenu, zelenu.