Custom Search

Выберайся, млада, выберайся з нами

Виконавець: Весільні

Слова і музика:

ukrainian flag Bigger font | Smaller font



Выберайся, млада, выберайся з нами,
Тоты свои злости прилож каменями.

Мы тото, дівчатко, при собі ховали,
Але мы о злости ниякой не знали.

Позерай ты, млада, з долы до повалы,
Жебы твои діти чорны очы мали.

Посмот ты, дівчатко, на тоты клиночкы,
Кадиль ты вішала, свои пацюрочкы.

Треба-бы нам, треба стольця шырокого,
Бо наша молода роду великого!

Роду великого, стану малженского,
Треба-бы нам, треба стольця шырокого!

До стольця сідати, мамусі не мати,
Придте, мамцьо, з неба, бо: вас гнес ту треба!

Треба-бы нам, треба барылочку вина,
Жебы ся нам зошла до стольця родина!

Не плач, млада, не плач, не бере тя смаркач,
Бере тя особа, красна як ягода.

Будте мні здоровы, мои товаришкы,
Не буду ходила з вами на орішкы.

Ани на орішкы, ани на ягоды,
Будте мні здоровы, дівчата молоды.

Будте мні здоровы, вы мои порогы,
Кадиль ходжували мои білы ногы.

Будте мні здоровы, горы и долины,
Бо я ся выберам от свойой родины!




Share on Facebook